VOV4.K’ho- Mho ngai 22/8, mpồl kwang bàng kâp dờng lơgar Việt Nam bơh Đại tướng Tô Lâm, Ủy viên Ƀộ Cíñ trị, Ƀộ trưởng Ƀộ Kwang àng lơh kwang atbồ mpồl neh tus bal Pơrjum tàm lùp Kwang đơng lam bồ kâp dờng sền gàr lơngăp lơngai mpồl ASEAN mờ lơgar Nga dơ̆ 2 geh lơh jat broă lơh pờ tơlik tàm internet.

Tơnơ̆ dơ̆ mut pơrjum, kwang atbồ mpồl kwang bàng ală lơgar neh cribơyai bè broă gàr kơ̆ kơljap jŏ jòng tàm câu Á- Thái Bình Dương, geh bal kơrnuat gròi sền phàu crong mờ ờ ngui phàu crong, bơta gơ rềng gơ dê gơ wèt mờ lơngăp lơngai tàm tiah do; bơta sền gàr lơngăp lơngai, cíñ trị tàm tiah câu Á- Thái Bình Dương tàm tŭ tơngai gơguh uă kal ke đah ală lơgar dờng pràn.

Nàng sơlơ tơnguh lơh broă bal đah Nga mờ mpồl ASEAN tàm tơngai tus, Ƀộ trưởng ồng Tô Lâm sồr, Nga jơh nùs tus bal tàm ală dơ̆ cribơyai bơh ASEAN đơng lam, tò dong gơnoar broă lơh tờm mờ bơta lơh ngan bơh ASEAN dê tơnguh cribơyai, lơh broă mờ sơndră mờ ală bơta lòng gơlik geh, tàm hơ̆ geh lơngăp lơngai, ờdo ờdă gùng dà lềng mờ gùng rơndeh par tàm tiah do.

Cau mblàng K’Duẩn