VOV4.K’ho- Ngai 21/09, pơrjum Ƀộ trưởng ASEAN bè rcang sơndră cau lơh tìs gan nhàr dà lơgar dơ̆ 16 mờ tơngume “ASEAN lơh broă bal sơndră wơl mờ ală bơta lòng” mờ ală dơ̆ pơrjum geh gơrềng ngan ngồn sơnđờm mŭt pơrjum jat broă lơh pờ tơlik tơn tàm internet.

Ƀộ trưởng ồng Tô Lâm tus bal sơnđờm mŭt pơrjum Ƀộ trưởng ASEAN bè rcang sơndră cau lơh tìs gan tiah nhàr dà lơgar

Đại tướng ồng Tô Lâm, Ủy viên Ƀộ Cíñ trị, Ƀộ trưởng Ƀộ Kwang àng Việt Nam tus bal pơrjum. Đơs tàm dơ̆ pơrjum bal Ƀộ trưởng ồng Tô Lâm pà gĭt jat tàm bơnàng jă bơt bơtàu “nùs nhơm pin dờn cíñ trị” tàm broă tàm dră rcang sơndră cau lơh tìs gan  nhàr dà lơgar mờ lơh geh bơta pin dờn bal mờ gơ̆p, ală anih lơh broă lơh jat kơrnoat lơh glài bơh adat boh lam ASEAN pal pơn jat tai lơh kơ̆ kơljap mờ lơh pràn lam lơh geh cồng nha, geh ngan ală broă lơh, broă rơndap lơh lơh broă bal bè rcang sơndră cau lơh tìs gan t nhàr lơgar tàm ală broă lơh broă bal uă lơgar tàm ASEAN gam geh tŭ do dê. Mơkung lơh pràn cribơyai bal jơnau yal tơngĭt mờ tam pà bal bơta mờng chài tam dră mờ ală mpồl cau lơh tìs gan tiah nhàr lơgar tàm tiah do, ngan là ală cau lơh tìs sùm pơhìn geh gùng dà gơguh bè cau tìs bè ma túy, cau  tìs internet mờ cau tìs ngui kông nghệ kao.

Cau mblàng K’Hạnh