VOV4.K’ho- Mho ngai 18/8, tàm Hà Nội, Đại tướng Tô Lâm, Ủy viên Ƀộ Cíñ trị, Ƀộ trưởng Ƀộ Kwang àng neh geh dơ̆ wă ồng Sugi Ryotaro, lài do là Đại sứ kuơmàng Nhờk- Việt Nam, Việt Nam- Nhờk. Tàm dơ̆ wă, Ƀộ trưởng Tô Lâm đơs nền, Ƀộ Kwang àng kơp kờñ sơlơ bơyai lơh uă broă lơh ngan ngồn nàng kờñ tơngkah broă kuơmàng do bơh broă tàm pơ gơl mpồl kwang bàng ală kâp, lòt còp bal mờ gơp, sơlơ tàm pơgồp bal, tam pà mờng chài tàm broă rơcang sơndră cau tìs, bơto bơtê kwang bàng, bơyai lơh ai kwang bàng Kwang àng Việt Nam- Kảñ sát Nhờk in geh lòt còp, tìp mat lơh kwèng niam chài. Ƀộ trưởng Tô Lâm kơp kờñ, mờ git gơp niam bơnĕ, geh gơ rềng dờng ngan tàm gah cíñ trị lơgar Nhờk, ồng Sugi Ryotaro geh pơn jat tai sền gròi, sồr Cíñ phủ, ală Ƀộ, gah broă lơh dà lơgar geh gơ rềng đah lơgar Nhờk sơlơ tơnguh rlau tai lơh broă bal, dong kờl ai Việt Nam in.

Cau mblàng K’Duẩn