Tàm dơ̆ wă, Ƀộ trưởng ồng Tô Lâm gờm chờ Đại sứ Qatar neh lơh sir jak ngan tơngai lơh broă tàm Việt Nam, pơgồp bơnah kwơ màng tàm broă  lơh sơlơ tơnguh bơta gĭt gơ̆p 2 lơgar Việt Nam mờ Qatar đơs bal, bơta gĭt gơ̆p lơh broă bal đah Ƀộ Kwang àng Việt Nam mờ ală anih lơh broă geh gơrềng Dà lơgar Qatar dê đơs is.

Bộ trưởng ồng Tô Lâm mờ Đại sứ Qatar tàm Việt Nam ồng Mohamed Ismael Al-Emad

Ƀộ trưởng ồng Tô Lâm pà gĭt, tàm bơnàng jă “Jơnau ring bal lơh broă bal bè rcang sơndră mờ tam dră sơndră mờ cau lơh tìs gan tiah nhàr lơgar đah Ƀộ Kwang àng Việt Nam mờ Ƀộ Nội vụ Dà lơgar Qatar dê” kĭ hơ nam 2014, bơta gĭt gơ̆p lơh broă bal 2 gah đah 2 lơgar neh geh lơh ngan ngồn tàm uă gah broă. Ƀộ trưởng ồng Tô Lâm pin dờn, cồng nha lơh broă bal đah 2 lơgar geh lơh pràn rlau tai, ndrờm mờ bơta ƀuơn, bơta pràn kung bè bơta kơ̆p kờñ mờ bơta gĭt gơ̆p lơh bơyô bal niam bơnĕ đah 2 lơgar, ngan là tàm gah sền gàr lơngap lơngai, gàr niam rơndap tap sèng, lơngap lơngai mpồl bơtiàn.