Tàm pơrjum, Ƀộ trưởng Ƀộ Kwang àng Tô Lâm jờng rơ uă ngan cồng nha mờ càr Lào Cai neh lơh geh tàm tơngai pa do; mơkung tơngŏ nùs nhơm kờñ mờ ală jơnau kờñ bơtàu tơnguh bơh càr Lào Cai dê mờ ală rơndăp broă lơh tờm ngan pơgồp bal mờ broă lơh jat Nghị quyết sồ 11 bơh Ƀộ Cíñ trị dê bè pơlam gùng dà bơtàu tơnguh kơnhoàl ù tiah thiòng, tiah kơh bơnơm đah tô Dà lơgar dê. Gơwèt mờ kơnòl broă gàr niam lơngăp lơngai, rơndăp tăp sèng, rcang lài mờ tam dră wơl mờ cau lơh tìs, Ƀộ trưởng Tô Lâm đơs là, mpồl Kwang àng xã pal là mpồl cau tờm, pal ai geh lài bơta pràn tàm ƀòn lơgar bè gah lơngăp lơngai, tài bơh jơh ală broă geh gơrềng tus lơngăp lơngai, rơndăp tăp sèng ndrờm geh lài bơh tàm ƀòn lơgar lơm.

Ƀộ trưởng Tô Lâm kung tơngkah càr Lào Cai pal sền gròi broă lơh rcang sơndră lài, ai rcang kơryăn lài tàm mpồl bơtiàn là broă lơh kwơ màng mờ jŏ jòng, rcang sơndră lài là broă lơh lài ngan. Ngan là, pal kơnờm tàm làng bol, jơh nùs drơng broă, dong kờl làng bol, bơt bơtàu bơta pin dờn, lơh geh bơta pràn tơrgùm bal nàng bơt bơtàu, bơtàu tơnguh Dà lơgar.