VOV4.K’ho- Ƀộ Kwang àng bơyai lơh pơrjum pờ tơn tàm internet gùt lơgar yal broă rơndăp lơh kờp jơh, sền swì lơngăp lơngai bè broă lơh rơcăng sơndră lài, crùh ồs sa mờ dong kờl rềs àr. Jăt broă rơndăp lơh bơh Ƀộ Kwang àng dê, dơ̆ ai cau lòt lơh broă kờp jơh, sền swì lơngăp lơngai bè rơcăng sơndră lài, crùh ồs mờ dong kờl rềs àr dơ̆ do geh lơh bơh ngai 15/10/2022 tus ngai 15/12/2022. Kwang àng ală tiah, ală anih geh tus sền lơngăp lơngai bè rơcăng sơndră lài, crùh ồs sa mờ dong kờl rềs àr gơwèt mờ jơh ală anih gơwèt bơta ătbồ dà lơgar dê bè rơcăng sơndră lài, crùh ồs sa.

Ƀộ Kwang àng geh lòt sền jơh broă lơh rơcăng sơndră lài, crùh ồs sa

Tàm hơ̆, tơrgùm lòt sền nền nòn ală anih kă bro geh jơnau sồr bè lơngăp lơngai rơndăp tăp sèng, anih lơh sa geh broă lơh dờng, tơrgùm gal cau, geh bơta sơbơng roh, pơhìn ồs sa, bơrtoh uă bè hìu năc, hìu ơm apah, hìu ƀar, hìu tam ya, hìu ơm bal jơnhoa cờñ, hìu jơnhoa cờñ, anih tờm kă bro, hìu prăp phan, hìu măy lơh gơlik phan.

Cau cih VOV Tây Nguyên- Cau mblàng Lơ Mu K’Yến