VOV4.K’ho - Ngai òr (08/04), UɃÑZ ƀòn dờng Buôn Ma Thuột, càr Dăk Lăk neh tơlik Sră nggal yal bè broă pơn jăt tai lơh thoàr ờ uă broă lơh tàm broă rơcang sơndră mờ kòp Kovid-19 tàm bơta pa.

Jăt mờ hơ̆, bơh 6 jơ drim ngai 12 nhai 4, ƀòn dờng Buôn Ma Thuột geh ai bơyai lơh broă hờ bơdìh ù tiah, tàm hìu mờ khà ờ uă ir 100 nă cau mờ pal  gàr niam tàm kơrnoăt rơcang sơndră mờ kòp Kovid-19; ai broă lơh wơl 50% khà bơta pràn ală broă kă bro bè: hìu ñô sa, đơs crih tamya, Karaoke, massa, internet, nhơl điện tử; ală hìu kă bro sào sa, ală hìu jăt yàng pin dờn, duh khoai geh lơh broă mơya pal gàr niam di mờ kơrnoăt geh ai; Bơyai lơh bơto bơsram tàm ơdŭ gơwèt mờ ală mpồl ơdŭ 9 mờ kấp 3. Kờp tus ngai òr (08/03), ƀòn dờng Buôn Ma Thuột neh dờp geh mờr 50 rơbô nă cau kòp Kovid-19, tàm hơ̆ geh rơlao 10 rơbô nă cau gam sơm kòp. Geh uă cau kòp kovid-19 tàm ƀòn dờng Buôn Ma Thuột ndrờm geh tơngŏ ờ jroă, ha là ờ geh tơngŏ kòp mờ geh sơm is kòp tàm hìu.

Cau mblàng Ndong Brawl