Ƀòn dờng Buôn Ma Thuột, càr Dăk Lăk bơyai lơh Dơ̆ lam sồr satềp tam chi
Thứ bảy, 06:00, 20/05/2023
Cau mlàng Ndong Brawl/VOV Tây Nguyên
Cau mlàng Ndong Brawl/VOV Tây Nguyên
VOV4.K’Ho- Di tơnkah 133 nam ngai deh Wa Hồ, ngai òr (19/05), UɃÑZ ƀòn dờng Buôn Ma Thuột bơyai lơh lam sồr “Satềp tam chi rài rài kah ưn ngài Wa Hồ”.
Tàm Dơ̆ lam sồr, geh 110 tờm pơngir jù dờng bơh 12 tus 15 phơng, ñhoa 5 thơ̆k neh geh tam tàm tiah gùng Đông Tây, sơnah ƀòn Tự An, ƀòn dờng Buôn Ma Thuột.
Ồng Trần Đức Nhật, Phó Củ tịc UɃÑZ ƀòn dờng Buôn Ma Thuột pà git, ƀòn dờng Buôn Ma Thuột là dùl tàm ală ƀòn dờng geh khà gơtìm tờm chi uă bơh gùt lơgar dê mờ khà tìm geh rơlao 8,27 thơ̆k vuông tàm dùl nă cau tàm tiah tàm dơlam ƀòn dờng mờ gùt ƀòn dờng là 17,21 thơ̆k vuông tàm 1 nă cau. Dờp bal broă lơh 1 tơmàn tờm chi bơh Cíñ phủ, nam pa do ƀòn dờng Buôn Ma Thuột neh tam geh 29 rơbô tờm chi ală bơta. Ƀòn dờng Buôn ma Thuột kung lơh ngan tus nam 2030 gơs tiah drà tơlir, niam, ngăc ngar mờ geh uă bơta niam chài.
Viết bình luận