Tàm dơ̆ lơh broă, 2 gah neh cribơyai bè bơta bơtàu tơnguh lơh sa, mpồl bơtiàn mờ niam chài lòt nhơl tàm tơl càr. Kwang đơng lam bồ càr Dăk Lăk yal: Dăk Lăk là càr ơm tàm tiah tờm Tây Nguyên dê, mờ 49 jơi bơtiàn ơm kis bal, bềng bơta niam chài krơi is. Càr geh bă ù tam kơphe uă, khà lơh geh mờr 400 rbô tấn pah nam. Kơphe Buôn Ma Thuột là mat kă bro tiơng pơn rơ, neh geh sền gàr mat yal ù tiah lơh gơlik. Tơngai lài, càr neh geh uă broă lơh lơh broă bal mờ Hàn Quôk, tàm hơ̆ broă kĭ sră cih kah lơh broă bal 2 gah đah càr Dăk Lăk mờ càr Jeollabuk gam cèng wơl uă cồng nha ngan ngồn tàm uă gah.

Bơh cribơyai mờ jòi git, 2 càr ndrờm kơp kờñ lơh broă bal tàm 3 gah là: lòt nhơl, niam chài mờ kă bro. Ồng Oh Jun Hwan, Kwang atbồ Drà bơkàu ƀòn dờng Goyang đơs là, rơp niam ngan dilah gơtùi lơh broă bal bơyai lơh dơ̆ lơh chờ bơkàu pơgồp bal mờ dơ̆ lơh chờ kơphe, yal tơnggit phan kơphe Dăk Lăk tàm drà kă bro Hàn Quôk.