Bơh nam 2020 tus tŭ do, mờ gơnoar broă là Tổng Lãñ sự lơgar Singapore tàm ƀòn dờng Hồ Chí Minh, ồng Kho Ngee Seng Roy sùm pơn đơl pràn, lơh ngan tàm broă lơh gơlik bơta niam dong kờl ai Cíñ phủ, mpồl lơh sa kă bro mờ làng bol lơgar Singapore in, tă pơgồp geh 1 tơlak 500 rbô dolar Mỹ mờ ală phan bơna, măi mok lơh sơnơm ai ƀòn dờng Hồ Chí Minh in bơh Kes priă sơnơm vaccine bơh lơgar Việt Nam dê. Mờ kung pơgồp bal jơh nùs mờ ală anih lơh broă bơh lơgar Việt Nam dê, ngan là ƀòn dờng Hồ Chí Minh bơyai lơh uă broă lơh cribơyai mờ lơgar ndai làng bol 2 lơgar, 10 nam lơh bơta git gơp lơh broă bal kuơmàng đah 2 lơgar.

Ồng kung pơgồp bơnah bơyai lơh ală dơ̆ tìp mat kuơmàng mờ ală mpồl kwang bàng kâp dờng, tàm hơ̆ geh dơ̆ tìp mat bơh Kwang atbồ lơgar Singapore mò Halimah Yacob lam bồ tàm nam 2022. Ală broă lơh ngan bơh ồng dê neh sơlơ tơnguh rlau tai ală bơta git gơp tàm ală gah kă bro, lòt nhơl, bơto bơtê mờ bơsram, niam chài mờ ală broă lơh lơh broă bal làng bol.