Tàm poh sơnrờp Satềp, tàm Anih ơhò ơm Tân Cảng – Cát Lái gơwèt Tổng Kông ty Tân Cảng Sài Gòn neh dờp 75 nơm ơhò lơh phan tăc mờ lơgar ndai, khà phan lòt gan anih ơhò ơm rơlao 1 tơlăk tấn phan kă bro, gơguh 9% pơn drờm mờ tŭ do nam 2023. Mìng is tàm mang 30 Satềp nam 2024 lam lơh phan, anih ơhò ơm neh dờp 7 nơm ơhò container.

Kờp jơh khà phan geh rơndăp tàm mang lam ơh phan bồ nam pa tềng anih ơhò ơm Tân Cảng – Cát Lái di pơgăp 105 rơbô tấn phan. Mìng is ngai 6 Satềp, tàm anih ơhò ơm do geh 190 khà phan tăc mờ lơgar bơdìh mờ priă geh rơlao 9 tơlăk 540 rơbô dolar Mỹ, mìng là phan geh lơh bơh suơn sre, phan dơm chi, phan tàm dà… Tàm khà do, Kông ty TNHH Pơgồp bal Kă bro Gùt plai ù tăc 2 container geh di pơgăp 18 tấn kơphe neh geh lơh bè: kơphe pơ-ò, kơphe boh, kơphe bùm trao, kơphe plai ñàu… tăc tus lơgar Asustralia.