VOV4.K’ho- Drim ngai 20/7, ƀòn dờng Hồ Chí Minh neh pà khà jờng mhar 150 tơlak đông ai Nguyễn Việt Phong, kơnòm bơsram ơdŭ 12, Hìu bơsram kâp 3 Cuyên Lê Hồng Phong, là dùl tàm 4 nă cau geh gai lòng biàng tàm dơ̆ pơrlòng Olympic Hóa họk dunia nam 2022.

Ồng Nguyễn Văn Hiếu, Kwang atbồ Sở Giáo zụk mờ Đào tạo ƀòn dờng Hồ Chí Minh pà git, bơh jŏ ngan ƀòn dờng Hồ Chí Minh hơ̆ sồng geh cau ai geh gai lòng dờng bè do. Do là bơta lơh ngan bơh oh dê kung bè bơh hìu bơnhă, hìu bơsram mờ pơgru dê neh dong cau jak chài. Ồng Hiếu kơp kờñ oh Nguyễn Việt Phong pơn jat tai ngui niam pràn jak he dê nàng lơh gơs bơta kơp kờñ, tă pơgồp uă rlau tai ai ƀòn dờng Hồ Chí Minh mờ dà lơgar in. Nguyễn Việt Phong là dùl tàm khà ală cau pơrlòng sơn rờp geh dờp priă jờng 200 tơlak đông ai kơnòm bơsram, cau bơsram geh gai lòng biàng tàm ală dơ̆ pơrlòng Olympic dunia in. Dơ̆ pơrlòng Olympic Hóa họk dunia 2022 geh lơh tàm lơgar Lo. Mpồl dà lơgar Việt Nam geh 4 nă cau tus bal pơrlòng. Cồng nha, jơh 4 nă oh ndrờm ai geh gai lòng biàng lơm.

Cau mblàng K’Duẩn