Drim ngai 18/01, tàm Hìu duh khoai- Tiah kah kơlôi ală Bơtau Hùng tàm ƀlàng bơh Kông viên Kah yau niam chài jơi bơtiàn ƀòn dờng dê, Thàñ ủy, Hội đồng Nâñ zân, Ủy ƀan Ñân zân, Ủy ƀan Mặt trận Dà lơgar Việt Nam ƀòn dờng Hồ Chí Minh bơyai lơh Dơ̆ chu ñàng pơdơng duh khoai bañ mbar klơm kơnâm jòng ai Bơtau Hùng Vương- Bơtau sơn rờp bơh dà lơgar dê in Hùng Vương di dơ̆ sa tềp dà lơgar nam 2023.

Do là broă lơh niam chài ờs mờng pah nam geh ƀòn dờng Hồ Chí Minh bơyai lơh tàm dơ̆ sa tềp dà lơgar, cèng bềng bơhiàn niam chài jơi bơtiàn dê, mùl gŏ bơh làng bol tiah đah Jum dà lơgar dê. Bơh hơ̆ tơngŏ nùs nhơm hùc dà kah tô dà mờ nùs nhơm gĭt ưn ngài uă ngan tus ală Bơtau Hùng, ală cau jak chài neh geh dà kơl hề bơt bơtàu dà lơgar mờ sền gàr dà lơgar. Tơnơ̆ dơ̆ chu ñàng pơdơng ơn bañ mbar klơm kơnâm jòng tus mờ Bơtau Hùng Vương- Bơtau sơn rờp dà lơgar dê in, mpồl kwang bàng, kwang đơng lam bồ Thàñ ủy, Hội đồng Ñân zân, Ủy ƀan Ñân zân, Ủy ƀan Mặt trận Dà lơgar Việt Nam ƀòn dờng Hồ Chí Minh neh tus còp, chu ñàng, tus Kwang ling Nguyễn Hữu Cảnh in.