VOV4.K’ho - Drim òr (07/10), Mpồl làng bol lơh broă sa ƀòn dờng Hồ Chí Minh pơn jờng 28 nă làng bol lơh broă sa geh pơnrơ jăk tài geh ală broă pơgồp bal niam tus mờ broă tơnguh bơtàu lơh sa suơn sre ƀòn dờng dê, bơ̆t bơtàu ƀòn lơgar pa.

Dơ̆ pơn jờng 28 làng bol lơh sa geh pơnrơ jăk

Bal mờ 28 nă làng bol lơh broă sa geh pơnrơ jăk mờ 30 bơta phan geh lơh bơh broă lơh sa suơn sre geh pơn jờng, di tàm dơ̆ do, tàm ƀòn dờng Hồ Chí Minh gam geh broă pơgồp bal uă ngan làng bol lơh broă sa lơh geh ală phan bơh broă lơh sa suơn sre geh bơta niam uă, ai geh bơta gơrềng bal uă bè bơta kwơ rùp rài “Cau klơh broă sa pa”. Tàm ƀlàng Hìu chài rơgơi Ơruh pơnu ƀòn dờng Hồ Chí Minh geh 124 hìu ràng tơlik ală phan geh lơh bơh gah lơh sa suơn sre ƀòn drà dê bè: bơkào lan, ƀon sai, tờm chi bơka niam, biăp, bơsềt, phan klơm, gar sơntìl, phơng sih, phan lơh broă tàm suơn... bal mờ git nđờ rơhiang bơta phan geh lơh bơh broă lơh sa suơn sre tờm ngan, phan OCOP geh bơta niam uă, đềt mềr mờ tiah kis.

VOV.vn – Cau mblàng Ndong Brawl