VOV4.K’ho - UɃÑZ ƀòn dờng Hồ Chí Minh pa geh sră nggal pơyoa tus Sở Giáo dục mờ Đào tạo bal mờ ală sở gơrềng bal bè broă lơh jăt gùng dà bơ̆t bơtàu ală khà priă dong kờl bơsram bơh nam bơsram 2022-2023 mờ ală nam bơsram pơn jăt tai.

Jăt jơnau yal ngai 19 nhai 5 nam 2022 bơh Sở Giáo dục mờ Đào tạo ƀòn dờng Hồ Chí Minh dê bè broă bơ̆t bơtàu ală khà priă dong kờl priă bơsram gơwèt mờ ală kấp bơsram dà lơgar mờ bơdìh mờ dà lơgar lơh bơh nam bơsram 2022-2023 mờ ală nam bơsram pơn jăt tai tàm ƀòn dờng Hồ Chí Minh, UɃÑZ ƀòn dờng Hồ Chí Minh ring bal jơnau do, ring bal gùng dà bơ̆t bơtàu ală khà priă dong kờl priă bơsram ai kơnòm bơsram tàm hìu bơsram dà lơgar mờ hìu bơsram bơdìh mờ dà lơgar tàm ƀòn dờng bơh nam bơsram 2022-2023. UɃÑZ ƀòn dờng Hồ Chí Minh jào Sở Giáo dục mờ Đào tạo đơng lam, pơgồp bal mờ ală sở, gah lơh broă gơrềng bal kơlôi sơnơng bơ̆t bơtàu khà priă dong kờl di pal gơwèt mờ ală kấp bơsram (ờ kờp kấp 1) nàng tơmù bơta gơrềng mpồl bơtiàn tài broă lơh wơl khà priă bơsram jăt mờ Nghị định sồ 81 nam 2021 bơh Cíñ phủ dê.

Cau mblàng Ndong Brawl