Geh bơyai lơh bơh mang ngai 10/04 tus jơh ngai 12/04, dồ ròt broă lơh niam chài bơh Ủy ƀan Ñân zân ƀòn dờng Kon Tum dê bơyai lơh nàng kờñ tàm tơrbŏ bal, hòi jà lòt nhơl đah 5 ƀòn dờng: Kon Tum, Pleiku (Gia Lai), Buôn Ma Thuột (Dăk Lăk), Gia Nghĩa (Dăk Nông) mờ Tuy Hoà (Phú Yên).

Bơh broă lơh bơyai lơh dồ ròt broă lơh niam chài, bè: ràng tơlik rùp wăc sềr, rùp hin, dơ̆ pơrlòng trŭ gơm phan sa; dơ̆ pơrlòng dà lĭp rơlir ồi kòn cau, mang niam ngan đơs crih tam ya; ràng tơlik, yal tơngĭt phan bơna OCOP... ƀòn dờng Kon Tum yal tơngĭt mờ làng bol, năc lòt nhơl bơta niam bơnĕ, bơta ƀuơn, bơta pràn bơh 5 ƀòn dờng do dê. Ồng Nguyễn Thanh Mân, Củ tịc Ủy ƀan Ñân zân ƀòn dờng Kon Tum pà gĭt, do là tŭ tơngai niam nàng ală ƀòn dờng in yal tơngĭt rùp hin, tàm tơrbŏ bal, hòi jà lòt nhơl mờ gơ hòi gơ jà cau bơcri priă.