3 rơndăp broă lơh tiah drà geh gơnoar atbồ ƀòn dờng Kon Tum, càr Kon Tum tơrgùm tàm broă lơh niam wơl gùng lòt kềng gah gùng lòt, ală rƀòng yuh dà, tam tờm chi mờ ală gùng che ồs đèng mpồl bơtiàn mờ kờp jơh bơta jòng ală gơl gùng rlau 6 rơbô 500 thơk.

Jat broă lơh, jơh ală gùng lòt kềng gah gùng 5 gơl gùng tàm dơlam ƀòn dờng bơh ƀòn dờng Kon Tum dê geh lă mờ lŭ granite geh is. Ală rƀòng dà yuh dà geh ala mờ brong wil bê tông ly tâm. Gơwèt mờ ală gơl gùng geh tờm chi ờ drờm bal mờ tiah drà geh tam ala tờm chi pa mờ sồ siă tuh bơcdìh ngui pah ngai bơh hìu bơnhă làng bol dê kung geh bơcri priă lơh pa ală broă lơh khòm tơrgùm. Jat broă rơndăp lơh, 3 rơndăp broă lơh lơh niam wơl tiah drà ƀòn dờng Kon Tum, càr Kon Tum dê rơ̆p geh lơh sir tàm nhai 10 nam 2024, nhai 3 nam 2025 mờ nhai 7 nam 2026.