Ƀòn dờng Vinh là tiah tờm lơh sa- cíñ trị bơh càr Nghệ An dê- ƀòn tờm bơh Củ tịc Hồ Chí Minh kờñ gơboh uă ngan mờ ală kwang bàng lơh broă kăc màng dờng sơnam. Tàm 60 nam do, ngan là tàm 10 nam lơh jăt Nghị quyết sồ 26 bơh Ƀộ Cíñ trị dê bè gùng dà broă lơh, kơnòl broă bơtàu tơnguh càr Nghệ An tus nam 2020, ƀòn dờng Vinh geh broă lơh bơtàu tơnguh tơl làm, mờ uă cồng nha kwơ màng. Nam 2022, khà gơguh lơh sa lơh geh 9,02%; priă lơh geh tơl nă cau kờp bal 120 tơlak đong, uă rlau 2,37 dơ̆ kờp bal bơh càr dê.

Gờm chờ cồng nha ƀòn dờng neh lơh geh, Củ tịc Quốk hội ồng Vương Đình Huệ neh sồr, càr pal mhar lơh jăt broă lơh lơh broă bal mờ ală broă rơndăp lơh, rơndăp broă lơh loh làng Rơndăp ù tiah càr Nghệ An tơngai bơh nam 2021-2030 pa geh ring bal; gĭt nền rơndăp broă lơh mờ broă lơh kwơ màng nàng bơtàu tơnguh ƀòn dờng Vinh tàm bơta gơrềng bal bơh càr Nghệ An dê mờ jơh bal gùt tiah do dê, lơh jăt ngan ngồn rơndăp ù tiah tờm lơh gùng dờng Vinh- Cửa Lò, lơh geh bơta gơn kơnờm bơtàu tơnguh lơh sa, tàm tơrbŏ bal ală ù tiah tờm, tàm tơrbŏ bal anih tờm lơh sră nggal ƀòn dờng mờ tiah tờm lòt nhơl dà lềng.