Kuơmàng neh ngui niam gơnoar broă lơh krơh lài bơh kwang bàng, đảng viên dê, ngan là kwang đơng lam bồ, atbồ, cau atbồ ală mpồl lơh broă tàm broă git wă uă rlau bè bồ tơngoh, nùs nhơm, rài kis Hồ Chí Minh. Kơryan, tơrmù bơta gơ plơ̆ gơ huc bè bồ tơngoh cíñ trị, nùs nhơm, rài kis mờ ală tềl tơnggŏ “lơh gơlik is”, “tam gơl is” tàm dơlam mpồl.

Ƀí thư Thàñ ủy Hà Nội ồng Đinh Tiến Dũng pà git, tàm jơnau đơs bơh Dà lơgar dê, Đảng ƀộ ƀòn dờng Hà Nội là dùl tàm ală tiah lam lài gùt lơgar mờ uă broă lơh niam, broă lơh pa, bơceh pa tàm broă lơh jăt broă bơsram mờ lơh jăt ơnà jăk, nùs nhơm, broă lơh Hồ Chí Minh dê. Ai gŏ, tơnguh ală cồng nha neh lơh geh, tơngai tus Đảng ƀộ Hà Nội pơn jăt tai ai broă bơsram mờ lơh jăt ơnà jăk, nùs nhơm niam, broă lơh Wa Hồ dê là dùl tơngu me kwơ màng ngan bơh broă bơ̆t bơtàu, lơh niam wơl Đảng, pơgồp bal tàm broă bơ̆t bơtàu Đảng ƀộ Hà Nội mùl màl kloh niam, pràn kơl dang, pơgồp bal tàm broă lơh gơs ală kơnòl cíñ trị ƀòn dờng dê: “Pơn jăt tai tam gơl pa pràn kơl dang bồ tơngoh, broă lơh, broă rơcang lài, bơceh pa, lơh pràn, lơh geh cồng nha, gơdờp mờ broă bơyai lơh pa mờ di pal mờ bơta tàm mùl màl càr lơgar dê. Jăt nền, lơh sùm jăt jơnau kờñ bơ̆t bơtàu cau Hà Nội niam hàng, gơguh jăk, tơnguh ală bơta kwơ niam kòn bơnus jăk chài bơh Thăng Long – Hà Nội rơbô nam jăk chài. Pơgồp bal mờ broă lơh jăt broă bơsram mờ lơh jăt ơnà jăk, nùs nhơm niam, broă lơh Hồ Chí Minh dê mờ broă lơh jăt ală Kơrnoăt bơh bơr bơh kwang bàng, kông cứk, viên cứk, cau lơh broă tàm anih lơh broă gơwèt ƀòn dờng Hà Nội; Kơrnoăt boh bơr tàm mpồl bơtiàn tàm ƀòn dờng mờ Broă rơndăp lơh jăt nền nòn broă adăt boh lam tàm broă lơh sră nggal; tam gơl pa nùs nhơm, nùs nhơm lơh broă, ai geh bơta tam gơl pa pràn kơl dang, tus bal lơh jăt kơnòl broă bơh kwang bàng, kông cứk ƀòn dờng Hà Nội dê”.