VOV4.K’ho- Dờp jơnau jà bơh Kwang ătbồ lơgar Singapore ồng Halimah Yacob dê, Củ tịc lơgar Việt Nam ồng Nguyễn Xuân Phúc mờ pơ ùr lam bồ Mpồl kwang bàng kâp dờng ala măt dà lơgar Việt Nam còp kâp dà lơgar tus lơgar Singapore bơh ngai 24- 26/02 do.

Do là dơ̆ lòt còp kâp dà lơgar bơh sơnrờp bơh dùl nă kwang ătbồ lơgar dê tus lơgar Singapore kờp bơh tŭ kòp dờng Kovid-19 lơh bơtờp sơnđờm bơh nam 2020, kung là dơ̆ lòt còp bơh sơnrờp bơh Củ tịc lơgar dê kung bè bơh kwang đơng lam bồ kâp dờng lơgar Việt Nam dê lòt lơgar ndai tàm nam 2022.

Dơ̆ lòt còp geh lơh gơlik geh bơta pràn pa nàng dong tơnguh bơta gĭt gơ̆p 2 lơgar, ngan là lơh broă bal bơtàu tơnguh wơl lơh sa bàr lơgar, bơh hơ̆ lơh jrô ơnàng rlau tai bơta gĭt gơ̆p Tam klăc lơh broă bal jŏ jòng Việt Nam mờ Singapore. Tus tŭ do, lơgar Singapore là dùl tàm pe lơgar bơcri priă uă tàm lơgar Việt Nam, kờp tus tŭ do là 66 tơmàn dolar Mỹ mờ mờr 2 rbô 900 rơndăp broă lơh. Tiah lơh sa mờ măy mok Việt Nam- Singapore là dùl jơnau pơrya tàm lơh broă bal đah 2 lơgar mờ tus tŭ do, priă bơh lơgar Singapore dê bơcri tàm ală tiah lơh sa mờ măy mok tàm lơgar Việt Nam neh gơguh tus 14 tơmàn dolar Mỹ.

Cau mblàng Lơ Mu K’Yến