Tus bal pơrjum geh rlau 300 nă kwang bàng ala mat bàr pe Ƀộ, ƀan, ngàñ Dà lơgar, kwang đơng lam bồ Mpồl đơng lam lơh broă yal tơngĭt jơnau lơh broă mờ lơgar ndai 63 càr, ƀòn dờng tàm lơgar mờ Gah đơng lam Mpồl ling sền gàr tiah nhàr lơgar ală càr tiah nhàr lơgar dê. Pơrjum neh lời uă tŭ tơngai yal tơngĭt, iăt bàr pe bơta pa Nghị quyết sồ 47 bơh Cíñ phủ dê bè Broă lơh lơh broă bơh Cíñ phủ dê tus nam 2030, lơh jat jơnau pơndŭt bơh Ƀộ Cíñ trị dê bè pơn jat tai bơtàu tơnguh bơta niam, geh cồng nha broă lơh yal tơngĭt jơnau lơh broă mờ lơgar ndai tàm bơta pa.

Pơrjum đơs nền, lơh jat niam broă lơh yal jơnau lơh broă mờ lơgar ndai rơ̆p dong gơ̆p bơyô ală lơgar in gĭt ală bơta bè lơgar Việt Nam dê dồ bă di ngan. Bơh hơ̆ di bè Dà lơgar, kòn bơnus Việt Nam, dong lơh jat broă lơh lơh broă mờ lơgar ndai pờ ơnàng, lơh li la uă bơta gĭt gơ̆p mờ ală lơgar mờ mut gơ rờm bal lơh sa ală lơgar bơh Dà lơgar he dê.