Đơs tàm dơ̆ sơn đờm lơh, ồng Nguyễn Văn Hùng, Ƀộ trưởng Ƀộ Văn hoá Thể thao mờ Zu lịc ai uă tơngai yal wơl rài lài do 70 nam tam lơh pha lin Điện Biên Phủ pơnyờ să ngan. Bơh tŭ hơ̆ ai tơngŏ gùng dà broă tam lơh di pal, bơceh lơh bơh Đảng dê bè niam chài, tam lơh bè bơta niam chài, gàr dà lơgar nàng ngui uă ngan nùs nhơm kờñ gơboh dà lơgar, tŭ lơi kung rơcang phi să tài Dà lơgar bơh jơi bơtiàn lơgar Việt Nam khin cha jăk chài.

Broă lơh đơs crih tamya geh lơh tàm 90 phút mờ 3 bơnah, tàm hơ̆ geh: Gùt làng bol lik tam lơh; Jơnau đơs crih geh tơngu me jờng rơ rài XX; mờ Anih pơrgon ring lơngai. Bơh tŭ hơ̆, ai tơngŏ jăk chài rơlao bè bơta kwơ, bơta dờng pràn bơh pha lin “pơnrơ tàm gùt dunia, mprơm tàm gùt plai ù”. Broă lơh do geh ngui bơta chài măi mok pa, siềr geh wơl pang rùp bè tam lơh pha lin Điện Biên Phủ, cèng geh nùs nhơm pin dờn ndu gơnrơh ngan tơn tàm tiah tam lơh cui rơcai ngan lài do.