Di dơ̆ tơngkah kir sơnrai 62 nam Ngai bơhiàn Mpồl Kảñ sát Rcang sơndră, crùh ồs sa mờ dong kờl rềs àr, 22 nam Ngai jơh gùt làng bol rcang sơndră mờ crùh ồs sa, mang ngai 28/09, tàm Anih Niam chài Lơh broă Lơh bơyô bal Việt Xô geh bơyai lơh Broă lơh “Lam lơh jơh gùt làng bol rcang sơndră, crùh ồs sa mờ dong kờl rềs àr” bơh Ƀộ Kwang àng pơgồp bal mờ Anih Sơñio rùp Việt Nam bơyai lơh. Củ tịc Quốk hội ồng Vương Đình Huệ tus bal broă lơh do.

Tàm broă lơh do, jờng rơ ală broă lơh niam bơnĕ ngan, ală broă lơh khin cha jak ngan, ală cồng nha jak ngan bơh ală mpồl cau mờ làng bol dê tàm broă lơh rcang sơndră, crùh ồs sa mờ dong kờl rềs àr mờ kah kơlôi ală làng bol gơtìp rềs àr, kah ưn ngài ală kwang bàng, cau ling mờ làng bol neh khin cha, phi să hŭi să tờm he dê crùh ồs sa, dong kờl rềs àr tàm tơngai pa do. Tàm tơngai tus, bơta ồs sa, bơr toh, rềs àr digơlan gam gơlik geh kal ke, ờ gơtùi gĭt lài, den pal tơrgùm lơh jăt niam broă lơh rcang sơndră, crùh ồs sa mờ dong kờl rềs àr, dipal mờ jơnau kờñ bơh bơta geh ngan nàng sền gàr bơta lơngăp lơngai ai gùt mpồl bơtiàn in.