VOV4.K’ho - Drim òr (07/04), tàm Hà Nội, Pang ƀăo Tài cíñ Việt Nam mờ sră ƀăp cau bơcri priă neh pơgồp bal bơyai lơh pơrjum cri bơyai “Cri bơyai broă lơh nam priă jền dong kờl broă brồ guh wơl, tơnguh bơtàu lơh sa mpồl bơtiàn”.

Lơh jăt Nghị quyết sồ 11 nam 2022 bơh Cíñ phủ bè broă brồ guh wơl, tơnguh bơtàu lơh sa mpồl bơtiàn, Ƀộ Tài cíñ neh tus bal, mhar kơlôi sơnơng, bơ̆t bơtàu mờ yal mờ gah lơh broă geh gơnoar tơlik ală broă lơh kwơ màng, nàng dong kờl làng bol mờ mpồl lơh sa kă bro. Geh ờ uă broă lơh nam priă jền, bè ờ tă, tơmù tă dia, neh mŭt tàm rài kis mờ geh mpồl bơtiàn đơs niam. Ală broă dong kờl kwơ màng do neh pơgồp bal tàm broă ai geh bơta pràn nàng mpồl lơh sa kă bro mờ gah lơh sa brồ guh tàm quý I nam do. Tàm pơrjum, ala măt Tổng kụk dia mờ Tổng kụk Hải quan kung neh yal bè ờ uă broă lơh tờm nàng dong kờl mpồl lơh sa kă bro tàm tơngai tus, tàm hơ̆ uă ngan là bè broă lơh niam sră nggal, ngui tam gơl sồ, tơnguh bơtàu dia mờ gan mpồng nhàr dà lơgar điện tử.

Cau mblàng Ndong Brawl