Nam 2023 neh lơh tềl tơngkah kir sơnrai 30 nam ală broă lơh, lơh broă dong kờl is kàl rlô bơkang bơh ơruh pơnu ƀòn dờng Hồ Chí Minh dê (tơngai bơh nam 1994- 2023) đơs nền bơta gơtha mờ bơta kwơ dờng ngan bơh srơh lơh broă dong kờl is bơh Mpồl Đoàn, Mpồl ơruh pơnu ƀòn dờng Hồ Chí Minh dê neh bơyai lơh mờ hòi tơrgùm geh gal ngan đoàn viên, ơruh pơnu tus bal lơh.

Đơs tàm dơ̆ bơyai lơh, Củ tịc lơgar đơs nền, ală broă lơh do neh dong ơruh pơnu gơtram să he tàm bơta geh ngan duh hồl bơh mpồl bơtiàn dê, gĭt wă tai bè dà lơgar, broă lơh jơi bơtiàn, bơh hơ̆ ơruh pơnu rơ̆p geh broă lơh dipal gơ wèt mờ broă lơh mờ Đảng, mpồl bơtiàn gam ting jăt. Bơh 30 nam ală broă lơh, lơh broă dong kờl is kàl rlô bơkang bơh ơruh pơnu ƀòn dờng Hồ Chí Minh dê neh gơhòi gơ jà 5 tơlak nă cau lơh broă dong kờl is tus bal.