Đơs tàm dơ̆ bơyai lơh, Ƀí thư Đảng ủy, Kwang ala mat lơgar Việt Nam tàm lơgar Campuchia Nguyễn Huy Tăng pà git, di tơngkah kir sơnrai 94 nam ngai crơng gơs Đảng (03/02), bol he bal mờ gơp chu ñàng tàm cơldŭ duh khoai wa Hồ, nàng yal mờ wa Hồ 2, 3 cồng nha mờ Đảng ƀộ tàm lơgar Campuchia neh lơh geh tàm nam 2023. Nam 2023, bơta git gơp đah 2 lơgar Việt Nam mờ Campuchia pơn jat tai bơtàu tơnguh jrô ơnàng mờ lơh geh uă cồng nha kuơmàng tàm uă gah bè cíñ trị, lơh broă mờ lơgar ndai, sền gàr dà lơgar- sền gàr lơngăp lơngai ngai sơlơ ngan ngồn, geh cồng nha; lơh broă bal lơh sa, kă bro, bơcri priă tam gơl pràn kơldang, tă pơgồp tàm gơguh lơh sa bơh 2 lơgar dê. Tàm nùs nhơm ki ngàm, ală kwang bàng neh chu ñàng tàm cơldŭ duh khoai Củ tịc Hồ Chí Minh – kwang đơng lam bồ kờñ gơboh bơh jơi bơtiàn dê nàng kah ưn ngài dà kơl hề dờng màng, kah sùm jơnau bơto tơngkah wa Hồ dê lời ai rơnàng bol he in tŭ do mờ tơnơ̆ do.