Mờ nùs nhơm “tàm dong tàm kờl bal”, “ nha ngan glòm nha sèt”, Anih sơñio rùp Kỹ thuật sồ VTC, Kông ty Kổ phần Quảng cáo truyền thông Oscar (Oscar Media) mờ Ƀăo Hà Nội Mới neh bơyai lơh broă lơh đơs crih tam ya “Sơm bat tê bal tài làng bol tiah gơtìp mìu càl rơbŭt dờng dà kŏ dà cò lơh aniai” mờ tơngume “Việt Nam khin cha kơ̆ dơn”, tàm mang ngai 17/09 tàm Anih tờm đơs crih tam ya Âu Cơ, Hà Nội. Broă lơh geh anih sơñio rùp pờ tơlik tơn tàm ală gah VOVTV, VTC1, VTC3; pờ tơlik bal tàm ală gah pờ tơlik sồ VTC Now, Ƀăo Điện tử VTC News, Báo Hànộimới điện tử; pờ tơlik tơn tàm gah YouTube Pơn yờ să ngan Việt Nam mờ rlau 30 Anih pờ tơlik jơnau đơs- sơñio rùp tàm jơh gùt lơgar dê.

Do là broă lơh niam wèt tus làng bol gam kong hoàc huơr tài bơh mìu càl rơbŭt dờng dà kŏ dà cò lơh aniai, den tàng jơh ală cau lơh broă bal mờ rlau 100 nă cau đơs crih tam ya tus bal broă lơh mờ plai nùs, mờ ală jơnau đơs crih, hòi jà ală cau geh nùs nhơm niam dong kờl làng bol. Jơh ală khà priă tă pơgồp bal do geh jun tus ală tiah gơtìp gơrềng tài bơh mìu càl rơbŭt dờng dà kŏ dà cò lơh aniai bơh Anih duh broă Mặt trận dà lơgar Việt Nam dê.