VOV4.K’ho - Kờñ geh bơta ngăc ngar dong kờl làng bol ngui ồs đèng ờ do ờ dă, geh cồng nha mờ rơcang sơndră mờ ală bơta gơtìp, rềs àr bè ồs đèng, càr Dăk Lăk pa bơyai lơh bơsram tàp ờ do ờ dă ồs đèng ai ală hìu làng bol kòn cau tàm tiah lơh jăt rơndăp broă lơh gùng che ồs đèng mờ anih biến áp 110kV.

         Bơsram tàp ngui ờ do ờ dă ồs đèng ai làng bol kis tàm thị trấn Dray Sap, kơnhoàl Krông Ana in

Do là broă lơh geh bal tàm rơndăp broă tơnguh bơtàu kòn cau gơwèt rơndăp broă lơh gùng che ồs đèng geh cồng nha ală ƀòn dờng di mơ mờ dềt ngui priă càn ODA bơh Cíñ phủ lơgar Đức. Tàm càr Dăk Lăk, tus bal broă bơsram tàp geh làng bol kòn cau gơwèt ală xã Dray Sáp, kơnhoàl Krông Ana, xã Hoà Phú, ƀòn dờng Buôn Ma Thuột mờ 2 xã Ea Hồ, Dlieya, kơnhoàl Krông Năng. Jăt mờ hơ̆, kwang bàng lơh broă tàm gah điện lực neh geh bơsram tàp, bơto sồr làng bol ală tơngu me gơrềng bal tus mờ broă ngui ồs đèng ờ do ờ dă, tềm pềr, geh cồng nha kung bè broă rơcang sơndră mờ ală bơta rềs àr bè ồs đèng mờ ală jơnau git wă gơrềng tus mờ broă niam ờ do ờ dă gùng che ồs đèng kao áp.

Cau mblàng Ndong Brawl