VOV4.K’ho- Gơrềng tus dơ̆ broă mus kơl is brê dà lơgar nàng lơh gùng Trường Sơn Đông, Ủy ƀan Ñân zân càr Dăk Lăk pa geh sră dan mờ Gah pơlam broă ling klàng gơwèt Ƀộ Quôk phòng sồr ơm tơn broă lơh gùng.

Càr Dăk Lăk kung dan mờ Gah pơlam broă ling klàng pơgồp bal niam mờ anih lơh broă geh gơnoar bơh càr Dăk Lăk dê nàng lùp khàu, gĭt nền, bơsong ală broă lơh tìs tàm broă lơh gùng Trường Sơn Đông tàm bă ù brê ờ hềt geh tam gơl jơnau kờñ ngui. Mờ Gah pơlam broă ling klàng pal mhar tă pơgồp jơnau đơs lơh jăt, yal ală tơngume bơh Ủy ƀan Ñân zân càr Dăk Lăk mờ Ƀộ Nông nghiệp mờ Phát triển Nông thôn bè broă kờp sền, tơrgùm kờp jơh ală bă brê, bơta brê ngan ngồn kờñ pal tam gơl jơnau kờñ ngui brê bơh Rơndăp broă lơh gơl gùng Trường Sơn Đông. Bơh hơ̆, lơh cơng tàng yal mờ Ƀộ Nông nghiệp mờ Phát triển Nông thôn lơh sră pơ àr tam gơl jơnau kờñ ngui brê tus jơnau kờñ ndai.

Cau mblàng Lơ Mu K’Yến