VOV4.K’ho - Khà cau gơtờp mờ virus Sars KoV-2 sùm gơguh uă tàm ală ngai do neh lơh làng bol tàm càr Dăk Lăk lòt blơi kit xét nghiệm mhar. Tài khà cau blơi gơguh, drà kă bro gơtìp ờ tơl phan nàng tăc.

Lŏ Nguyễn Thị Thanh Tâm, cau tờm hìu tăc phan lơh sơnơm An Tâm tềng gùng Y Jut, ƀòn dờng Buôn Ma Thuột pà git, 3 ngai pa do, cau tus blơi lùp blơi kit xét nghiệm mhar uă ngan, gơguh rơlao 3 dơ̆ pơn drờm mờ ală ngai bè ờs. Tàm tŭ hơ̆ khà cau blơi kit test tàm hìu blơi phan rê gơmù den tàng ờ tơl phan nàng tăc. Ờ mìng lòt blơi kit nàng test is, khà làng bol lòt tus ală hìu kham cau dùl nă să lơh is, Hìu sơnơm xã, sơnah ƀòn, hìu sơnơm kơnhoàl nàng test mhar, test PCR kung gơguh uă pơn drờm mờ lài satềp. Tŭ do, dùl nơm ƀộ kit xét nghiệm mhar mờ dà muh bơh lơgar Tây, lơgar Đức lơh gơs geh bơh 70 tus 80 rơbô đong.

Cau mblàng Ndong Brawl