Càr Dăk Lăk tŭ do geh 20 nơm hìu măy lơh đèng dà mờ 5 hìu măy lơh đèng dà tàm ù tiah càr ndai geh bal hìong dà dờng lòt gan. Nàng gàr niam kơ̆ kơl jăp tơnau bơtơ̆t dơng dà mờ kơryan dà tih tàm tiah đah đơm in tàm nhai mìu dà tih, càr Dăk Lăk neh sồr ală cau tờm ătbồ tơnau bơtơ̆t dơng dà hìu măy lơh đèng dà lơh jăt niam jơnau pơlam ngui ală tơnau dà mờ dùl nơm tơnau dà, sùm jăt sền bơta gơlik geh bơh trồ tiah dê dà ia dê nàng ngui tơnau dơng dà; di tŭ yal tơngĭt jơnau tơngkah lài tus gơnoar ătbồ tiah hơ̆ mờ làng bol in tàm tŭ digơlan gơlik geh jơnau pal yuh dà mhar.

Càr kung sồr gah Kông thương pơgồp bal niam mờ gơnoar ătbồ tàm tiah do mờ ală anih lơh broă geh gơrềng sơlơ tơnguh tai broă lơh lòt sền, kờp sền ală tiah tờm geh pơhìn tơrlah ù nàng bơ̆t mờ lơh, bơsong niam wơl di tŭ.