VOV4.K’ho - Mŭt tàm kàl mìu dà tih dà cò nam do, bal mờ broă sùm sền gròi, lơh niam wơl gùng che ồs đèng, Kông ty điện lực Dăk Lăk neh rơcang lài phan lơh broă, măi mŏk rơcang lài nàng sơndră mờ rềs àr bơh trồ tiah.

                            Lơh niam wơl gùng che ồs đèng trung áp tài sềm par di tŭp mờ kòl

             Đah điện lực Ia Kar pồng ntê chi tơnơ̆ mờ mìu càl pồt di gơlan gơtìp pă di tềng gùng che ồs đèng

Kông ty do kung neh rơcang tơl mpồl rơcang sơndră mờ rềs àr, jòi dong klàs cau gơtìp rềs àr, mhar bơsong tŭ gơtìp ală bơta ờ niam bè ồs đèng. Tàm hơ̆ uă ngan là tàm tiah ală kơnhoàl Ea Kar, Mdrăk, Krông Bông ală tiah sùm geh dờp geh bơta ờ niam bè ồs đèng, ală mpồl lơh broă neh tơnguh broă ngui flaycam, camera ñiệt nàng sền gùng che ồs đèng, bơta duh ală phan; sền gròi, lơh niam wơl phan sơndră mờ kơnàs còng ngăc ngar; mus pès chi che jăt gah gùng che ồs đèng... Mờ lơh jăt ală broă kơrian phan kis mŭt tàm gùng che ồs đèng lơh gơtìp bơta ờ niam, gàr niam broă ai ồs đèng ờ do ờ dă, geh sùm.

Cau mblàng Ndong Brawl