VOV4.K’ho - Cồng nha sền wơl khà lơh niam sră nggal nam 2021, càr Dăk lăk geh 86,52 điểm, ơm dơ̆ 36 tàm 63 càr, ƀòn dờng, gơguh 3,3 điểm, gơguh 9 dơ̆ pơn drờm mờ nam 2020.

                                                       Càr Dăk Lăk lơh niam sră nggal

Gơwèt mờ Khà ai gŏ di nùs bơh làng bol, bơyai lơh gơwèt mờ broă drơng ala bơh anih lơh broă sră nggal Dà lơgar nam 2021 ơm dơ̆ 59 tàm 63 càr, ƀòn dờng, gơguh 3 dơ̆ pơn drờm mờ nam 2020. Jăt ồng Nguyễn Đình Trung, Ƀí thư Tỉñ ủy Dăk Lăk yal, bŭ lah neh geh ală tam gơl tàm broă lơh niam sră nggal, mơya nàng ai geh bơta pràn mờ ai càr Dăk Lăk tơnguh bơtàu pràn di pal mờ tiah tàm gùl Tây Nguyên dê, tàm tơngai tus, càr pơn jăt tai chồl pràn broă lơh niam sră nggal, tơnguh broă lơh jăt adăt boh lam tàm broă lơh sră nggal. Càr Dăk Lăk geh ai jơnau kờñ tus nam 2025, khà lơh niam sră nggal càr dê geh tàm mpồl 20 tàm 63 càr ƀòn dờng.

Cau mblàng Ndong Brawl