VOV4.K’ho - Mpồl đơng lam broă pơgồp bal lam sồr làng bol càr Dăk Lăk pa bơyai lơh pơrjum tơn jơh broă pơgồp bal broă lam sồr làng bol nam 2021 mờ lơh jăt kơnòl nam 2022.

Tàm nam 2021, bơh broă pơgồp bal, ală anih lơh broă, mpồl lơh broă neh lơh mờ jào pà 169 nơm hìu nùs nhơm, hìu cau tàm mpồl lơh broă bal mờ hìu ram kông đoàn, dong kờl hìu rơƀah mờr 2 rơbô 600 nơm sơn tìl phan ròng. Mờ ală mpồl lơh broă lơh jăt rơlao 60 broă lơh rài kis mpồl bơtiàn, kham kòp, pà sơnơm ờ sa priă ai mờr 18 rơbô nă làng bol in mờ kờp khà rơlao 20 tơmàn 400 tơlăk đong. Mò H’ Kim Hoa Byă, kwang atbồ ƀan Dân vận Tỉñ ủy Dăk Lăk, mờ kung là kwang atbồ mpồl đơng lam broă pơgồp bal broă lam sồr làng bol kơ̆p kờñ: Tàm nam 2022, ală anih lơh broă, mpồl lơh broă ai broă pơgồp bal lam sồr làng bol tơrgùm tàm tiah sar lơgar ngài, tiah kal ke mờ ală broă lơh mùl màl, bơ̆t bơtàu mùl màl.

Cau mblàng Ndong Brawl