VOV4.K’ho - Jăt mpồl đơng lam ai mhàm dong kờl is càr Dăk Lăk yal, tơngai lài mờ satềp, tàm satềp mờ tơnơ̆ mờ satềp Ñâm Zần nam 2022, Hìu sơnơm tiah Tây Nguyên bal mờ ală hìu sơnơm ndai tàm càr geh kờñ di pơgăp 2 rơbô kơl dung mhàm nàng sơm kòp ală cau kòp in.

                                         Ală cau geh nùs nhơm niam ai mhàm dong kờl is

Mờ tơngu me: “Ai ntờc mhàm pơrhê-Jào bơta kis”, broă lơh “Ngai rơlô pơrhê” dơ̆ 9 nam 2022, geh Mpồl đơng lam lam sồr ai mhàm dong kờl is càr Dăk lăk bơyai lơh bơh ngai 08 nhai 1 tus tŭ do neh hòi jà geh rơlao 3 rơbô 500 nă cau tus bal. Mờr 3 rơbô kơl dung mhàm neh geh mpồl bơyai lơh jun tus Viện Huyết học truyền máu Dà lơgar mờ ală hìu sơnơm tàm càr nàng drơng tàm broă sơm kòp cau kòp in. Tàm ală dơ̆ ai mhàm dong kờl, ală cau ndrờm lơh jăt niam ală broă rơcang sơndră mờ kòp Kovid-19.

Cau mblàng Ndong Brawl