Jăt mờ hơ̆, ală gah, mpồl lơh broă, ală kơnhoàl, thị xã, ƀòn dờng mờ cau tờm brê tàm càr Dăk Lăk pơn jăt tai tơnguh broă mblàng yal, tơnguh uă jơnau git wă, jơnau git lơh jăt adăt boh lam bơh kwang bàng, cau lơh broă bal mờ làng bol bè broă atbồ, sền gàr brê, rơcang sơndră mờ crùh ồs sa brê.

Rơcang ală gùng dà broă lơh tàm broă sơndră mờ crùh ồs sa brê di pal mờ mùl màl tàm càr; di tŭ gŏ mờ gơsơ̆t bañ lời ồs sa dờng, sa rề uă… Kwơ màng tàm ală kơnhoàl bè Ea H’leo, Ea Súp, Ea Kar, Buôn Đôn… geh uă bă brê gam tàm bơta di gơlan gơtìp ồs sa uă kấp 4, kấp 5-do là kấp ngòt rơngơ̆t ngan. Đah sền gàr brê neh pơgồp bal mờ ală kơnhoàl, thị xã, ƀòn dờng, cau tờm brê mờ làng bol kis rềp jăt gah brê nàng lơh pràn broă rơcang sơndră mờ crùh ồs sa brê.