Jăt jơnau yal tàm pơrjum, tàm 6 nhai bồ nam, lơh sa mpồl bơtiàn càr Dăk Lăk geh bơta kơl jăp niam. Priă geh kờp jơh phan geh lơh tàm càr kờp dŭ geh mờr 24 rơbô 400 tơmàn đong, gơguh 4% pơn drờm mờ tŭ do nam 2022. Kờp jơh priă tăc phan mờ lơgar bơdìh kờp dŭ geh mờr 810 tơlăk dolar Mỹ, gơguh 2% pơn drờm mờ tŭ do nam lài. Bŭ lah bè hơ̆, kờp jơh kờp jơh tă dia tàm pơnring kes priă dà lơgar gơmù 16,6% pơn drờm bal dùl tŭ mờ nam lài. Khà bơcri priă dà lơgar mìng geh 18,1% broă rơndăp lơh càr dê...

Ồng Phạm Ngọc Nghị, Củ tịc UɃÑZ càr Dăk Lăk sồr kwang đơng lam ală sở, gah lơh broă tàm càr pal rơcang, geh kơnòl rơlao tai tàm broă mblàng, jòi gŏ tài bơta lơi mờ ai geh broă lơh nàng bơsong ală “bơta gơkòl” tàm broă hòi jà bơcri priă, lơh pràn lòt nhơl... nàng lơh geh ală jơnau kờñ tơnguh bơtàu lơh sa mpồl bơtiàn 6 nhai lồi nam. Kwơ màng, ală sở, gah lơh broă tàm càr, ală kơnhoàl, thị xã, ƀòn dờng pal tơn jơh, bơsong mơ broă tam tuh kơnòl nàng lơh pràn bơta bơsong broă lơh.