Ngai 12 nhai 10 nam 2007. Mpồl cau ùr lơh sa kă bro càr Dăk Lăk geh crơng gơs. Pah nam, ală oh mi cau ùr tàm mpồl neh tă pơgồp geh git nđờ rơhiang tơlăk đong ai ală broă lơh bè: Hìu ram nùs nhơm, Cau mè dong kờl kơnòm dềt kòn đời, dong kờl cau ùr rơƀah, hìu nhă gơtìp kal ke tơnguh bơtàu lơh sa, rơcang sơndră mờ kòp Kovid-19.

Tơnơ̆ mờ rơlao 15 nam lơh broă, UɃÑZ càr Dăk Lăk neh kĭ kơrnoăt ai crơng gơs Mpồl cau ùr Lơh sa kă bro càr Dăk Lăk. Jơnau kờñ bơh Mpồl dê nàng tơrgùm cau ùr lơh sa kă bro lơh broă tàm ală gah broă, ală gah lơh sa tàm mpồl bơtiàn; dong kờl tơnguh bơtàu mpồl lơh sa kă bro, tơrbŏ bal cau lơh sa kă bro tàm càr Dăk Lăk mờ chồl pràn broă git gơ̆p pơgồp bal, lơh broă bal, tam pà bal broă mờng chài atbồ, dong kờl bal tài bơta tơnguh bơtàu pas gơs, ring bal, gơguh jăk.