Jăt mò Nguyễn Thụy Phương Hiếu, Phó Kwang ătbồ Sở Văn hoá, Thể thao mờ Zu lịc càr Dăk Lăk dê yal, do là broă lơh tàm broă lơh lơh broă mờ lơgar ndai niam chài bơh càr Dăk Lăk dê tàm nam 2022. Dơ̆ lòt lơh broă di tơngkah kir sơnrai 60 nam lơh bơta gĭt gơ̆p cribơyai broă mờ lơgar ndai đah Việt Nam mờ Lào mờ geh bơyai lơh di tàm dơ̆ tơngkah kir sơnrai 47 nam ngai Sơntờm dà lơgar gơ̆p bơyô Lào dê ngai 02/12.

Tàm dơ̆ lòt lơh broă do, 2 gah neh cribơyai, tàm lùp bè broă lơh broă bal bơtàu tơnguh niam chài mờ nhơl chờ. Ring bal kĭ hơ sră cih kah đah 2 sở bơh 2 càr dê bè broă lơh broă bal, dong kờl bal tàm broă pơgồp bal đah niam chài mờ nhơl chờ tàm tơngai bơh tŭ do tus nam 2025. Jăt tơngume kĭ hơ, 2 gah geh tàm pơdar lơh jăt broă lơh lơh broă mờ lơgar ndai niam chài, ai mpồl đơs crih tam ya kâp càr tus càr bơyô dê nàng lơh kung bè lam lơh lòt sền tàm tơrbŏ nhơl chờ đah mpồl lơh sa kă bro mờ ală tiah anih nhơl chờ tàm tơl càr dê. Mơkung ai bơta niam chài krơi is bơh tơl càr dê tus càr bơyô dê nàng tìp măt lơh kwèng, yal tơngĭt.