Tàm nhai 01 nam 2024 pa do tơn, Ủy ƀan Ñân zân càr Dăk Nông neh geh Kơrnoăt sồ 54 kĭ sră cih mat 17 rơndăp broă lơh gơhòi gơ jà bơcri priă bal mờ kờp jơh priă bơcri là rlau 3 rbô tơmàn đong, ndrờm là ală gah broă lơh geh tơl pràn, bơta ƀươn bơh càr Dăk Nông dê.

Ủy ƀan Ñân zân càr Dăk Nông neh sồr ală sở, gah lơh broă, ală tiah gơrềng bal pơn jăt tai sền swì mờ lơh sir sră pơ àr gơrềng tus adat boh lam, nàng kờñ gơhòi gơ jà bơcri priă 44 rơndăp broă lơh tàm tơngai pơn jăt tai, mờ kờp jơh priă bơcri digơlan là rlau 290 rbô tơmàn đong, mìng là gah broă lơh lơh sa mờ măy mok, bè jòi mờ lơh gơlik bausite- alumin- trà, năng lượng lơh geh wơl...Càr Dăk Nông kung gam lam ală mpồl lơh broă hòi jà bơcri priă tàm uă tiah tàm jơh gùt lơgar kung bè bàr pe lơgar, bè: Ấn Độ, Lo, Hàn Quốc, Nhờk...Ủy ƀan Ñân zân càr Dăk Nông lơh Mpồl lơh broă krơi is nàng kờñ di tŭ sồr bơsong ală kal ke, gơkòl bơh mpồl lơh sa kă bro, cau bơcri priă dê.