Jat Mpồl đơng lam hòi jà pà mhàm dong kờl is càr Gia Lai, bơh bồ nam tus tŭ do, jơh gùt càr neh bơyai lơh geh 45 dơ̆ pà mhàm is, dờp geh rlau 9 rơbô kơldung mhàm, lơh geh 57% broă rơndap lơh bơh Mpồl đơng lam dà lơgar hòi jà pà mhàm dong kờl is dê jàu.

Tàm broă lơh Gùng lòt pơrhê dơ̆ do, Mpồl bơyai lơh ai jơnau kờñ lơh geh uă ngan rlau jơh 600 kơl dung mhàm nàng kờñ pơgồp bơnah lơh geh tơl mhàm tàm broă dong kờl mờ sơm kòp tàm kàl prang do. Di dơ̆ do, Củ tịc Ủy ƀan Ñân zân càr Gia Lai pà ƀằng khen ai 5 mpồl cau, 7 nă cau dùl nă să geh cồng nha jak ngan tàm srơh pà mhàm dong kờl is nam 2022-2023. Mpồl đơng lam hòi jà pà mhàm dong kờl is càr pà  sră jờng rơ ai 12 mpồl cau, 8 hìu bơnhă, 28 nă cau dùl nă să geh cồng nha jak ngan tàm broă hòi jà pà mhàm dong kờl is.