Tàm dơ̆ wă, ala mat Đảng ƀộ, gơnoar atbồ mờ Làng bol càr Gia Lai, Ƀí thư Tỉñ ủy càr ồng Hồ Văn Niên neh nting bơr gờm chờ cồng nha tĕ khà Quôk hội Campuchia khoă 7, nting bơr gờm chờ dà lơgar geh Cíñ phủ pa bơh Thủ tướng pa ồng Hun Manet atbồ, mờ kung kơp kơnờm Cíñ phủ pa rơp bal mờ Đảng, gơnoar atbồ mờ Làng bol Campuchia pơn jat tai bơt bơtàu dà lơgar ngai sơlơ kơ̆ kơljap, pràn kơldang, bơtàu tơnguh; pơgồp bal bơta pràn, dùl nùs bal bơt bơtàu bơta git gơp lơh bơyô, tam klac bal đah Việt Nam mờ Campuchia đơs bal mờ đah càr Gia Lai mờ càr Ratanakiri đơs is ngai sơlơ kơ̆ kơljap rlau.

Phó Kwang atbồ càr Ratanakiri kơp kờñ càr Gia Lai pơn jat tai dong kờl lơh broă bal đah 2 càr, sùm lơh gơlik bơta niam ai làng bol, mpồl lơh sa kă bro 2 gah in geh tŭ niam cribơyai, bơsram mờng chài bơtàu tơnguh lơh sa, kă bro, lòt rê, tac bro phan bơna bơh làng bol mờ mpồl lơh sa kă bro dê.