Lơh chờ Ƀáo nam pa Quý Mão 2023 geh ràng tơlik, yal 250 bơta ƀăo nam pa Dà lơgar, 63 bơta ƀăo nam pa bơh ală càr, ƀòn dờng tàm gùt lơgar mờ 20 bơta ƀăo, sră ƀăo bơh ală anih lơh broă sră ƀăo geh cau ai tơngit ơm lơh broă sùm-anih lơh broă ala măt tàm càr Gia Lai.

Lơh chờ Ƀăo nam pa neh yal tus mờ cau sền in 900 pang ƀăo mờ uă bơta krơi is, uă jơnau cih tơrgùm tơl ală bơta niam bè pang rùp tơrgùm bal bè lơh sa, bơta chài rơgơi mpồl bơtiàn, bơta lơngăp lơngai dà lơgar... bơh dà lơgar dê tàm nam pa do. Bơh dơ̆ lơh chờ, làng bol sền ƀăo neh geh nùs nhơm kơlôi sơnơng tơrgùm bal uă bơta bè ală broă lơh ngan bơh gùt Đảng, ling klàng bal mờ làng bol he dê sơrlèt kal ke, tơlòng tềng đăp mờ bơta tàm dunia geh uă bơta tam gơl kal ke. Geh pơnrơ ngan là ală tơngu me bè Chủ tịch Hồ Chí Minh mờ bồ tơngoh kơlôi sơnơng tơrgùm bal tơnguh bơtàu dà lơgar; Sơrlèt bơh să tờm dê, Đảng lơh geh uă cồng nha kwơ màng; Kơrian sa kuề sa koà bơh tờm rơyas, ngui niam nùs nhơm pin dờn tàm làng bol...