Tơnơ̆ mờ tŭ cri bơyai, kwang đơng lam bồ Mpồl tam klăc mpồl lơh broă bal 02 càr Hậu Giang mờ Dăk Lăk ring bal tơngu me kĭ jơnau ring bal lơh broă bal là lơh pràn broă yal, tam pà bal jơnau tơngit bè bơta lơh sa bal, mpồl lơh broă bal đah bàr càr, kung bè broă lơh sa, kă bro mpồl lơh broă bal dê, jơnau yal drà kă bro, broă tơrlòng lơh niam, broă lơh pa, bơtàu tơnguh phan OCOP, ƀòn lơh broă ờs mờng, yal phan geh lơh mờ ală gah broă ndai di pal mờ broă bơtàu tơnguh jŏ jòng, bơta pràn di pal bơh tơl gah dê.

Is ồn, Mpồl tam klăc mpồl lơh broă bal 2 càr rơ̆p là anih tơrbŏ bal tăc phan tŭ ală mpồl lơh broă bal kờñ tus pơgồp bal lơh, yal phan geh lơh, pơyoa, tam gơl phan kă bro bàr đah, đah ală mpồl lơh broă bal dê bè tam pà tàm càr. Bơdìh hơ̆ tai, ai geh bơta niam dong kờl mpồl lơh broă bal geh dơ̆ tơrgùm bal bơsram broă lơh mờng chài, tam gơl jơnau tơngit, tìp bal, yal, tơrbŏ bal tăc phan geh lơh; mờ yal bè broă ràng tơlik phan kă bro tàm ală dơ̆ ràng tơlik drà kă bro, hòi jà kă bro, pơrjum, cri bơyai tus ală mpồl lơh broă bal kờñ tus bal.