VOV4.K’ho - Nàng gàr niam gùng lòt tàm kàl mìu dà tih dà cò nam do, tŭ do gah gùng lòt pơn diang phan bal mờ gơnoar atbồ 10 kơnhoàl, ƀòn dờng tàm càr Kon Tum gam chồl mhar broă lơh niam wơl, tơmù ală tiah gơtìp tơrlah ù neh ai priă nàng lơh.

                  Dùl gơl gùng gơtìp tơrlah pal mhar geh bơ̆t wơl tàm kơnhoàl Đăk Glei, càr Kon Tum

Bal mờ hơ̆, tơnguh broă sền gròi, sền wơl, gŏ ală tiah di gơlan gơtìp tơrlah ù tàm ală gơl gùng nàng cih jơnau yal làng bol in git nàng rơcang sơndră. Ală mpồl lơh broă, ală tiah kung rơcang bơ̆t bơtàu gùng dà broă rơcang sơndră, rơcang măi mŏk, cau lơh broă nàng lơh jăt broă dong klàs, dong kờl cau gơtìp rềs àr mờ tơmù hoàc huơr tŭ geh mìu dờng dà tih dà cò lơh aniai. Nàng gàr niam gùng lòt tàm càr, bơh tàm tơngai lài mờ kàl mìu dà tih dà cò nam do, gah gùng lòt pơn diang phan càr Kon Tum kung neh rơcang mờr 300 bài lŭ, di pơgăp 1 rơbô 400 khối lŭ dềt, 1 nơm rơbàng yồng mờ 3 nơm rơbàng lòs rơcang lài nàng lơh tơmù tŭ gơtìp hoàc huơr bơh mìu dờng dà tih dà cò lơh aniai gơwèt mờ ală gơl gùng lòt.

Cau mblàng Ndong Brawl