Càr Kon Tum geh dơ̆ mìu ờ di kàl lơh tơrmù đau bơta trồ tơngai duh tơr ồ ir
Thứ ba, 13:52, 26/03/2024
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K’Ho- Mho mang ngai 25/03, uă tiah tàm 8 tàm kờp jơh 10 kơnhoàl, ƀòn dờng bơh càr Kon Tum dê geh mìu. Do là dơ̆ mìu ờ di kàl dong lơh tơrmù đau bơta duh tơr ồ ir bơh trồ tơngai duh ro kơnrañ dê.
Ală tiah bơh càr Kon Tum dê mho mờ mang geh mìu, geh: Đăk Glei, Ngọc Hồi, Tu Mơ Rông, Đăk Tô, Sa Thầy, Đăk Hà, Kon Rẫy mờ ƀòn dờng Kon Tum. Ồng Nguyễn Văn Huy, Kwang ătbồ Anih Yal tơngĭt lài trồ tiah dà ia càr Kon Tum dê yal, dà mìu tàm ală tiah geh uă bơh 5 tus 15 milimet. Do là dơ̆ mìu ờ di kàl dờng màng ngan dong tơrmù ƀà bơta duh tơr ồ ir bơh trồ tơngai duh ir, ro kơnrañ soăt dà dê.
Lài hơ̆, ngai 24/03, tàm 2 kơnhoàl: Kon Plông mờ Đăk Glei kung neh geh mìu sơl. Bulah bè hơ̆, do mìng là dơ̆ mìu ờ di kàl. Sền gŏ bơh Anih yal tơngĭt lài trồ tiah dà ia càr Kon Tum dê pà gŏ, dơ̆ mìu ờ di kàl tàm ù tiah càr Kon Tum dê tus jơla rlau pơndrờm mờ nam lài pơgăp dồ nhai mờ kàl mìu nam 2024 kung geh đơs là rơ̆p tus jơla rlau sơl.
Viết bình luận