Do là jơnau đơs ngan bơh Mpồl Lơh kơnòl broă sùm Tỉñ ủy càr Kon Tum dê tàm Pơrjum sền swì 03 nam lơh jăt Jơnau đơs pơndŭt sồ 01 bơh Ƀộ Cíñ trị dê bè pơn jăt tai lơh pràn bơsram mờ lơh jăt bồ tơngoh, nùs nhơm, broă lơh mờ rài kis Hồ Chí Minh dê bơyai lơh drim ngai 14/05 tàm ƀòn dờng Kon Tum. 03 nam do, rlau 84 rbô nă kwang bàng, đảng viên càr Kon Tum neh bơsram mờ kơlôi sơnơng tơngume Jơnau đơs pơndŭt sồ 01 mờ tơngume mìng dùl lơm bơsram, lơh jăt bồ tơngoh, nùs nhơm, broă lơh mờ rài kis Hồ Chí Minh bơh càr dê.

Ồng Lê Quang Thới, Phó Kwang ătbồ Mpồl duh broă sùm Ƀan Tuyên giáo Tỉñ ủy càr Kon Tum dê pà gĭt, càr neh lơh Tơngume mìng dùl lơm “Bơsram mờ lơh jăt bồ tơngoh, nùs nhơm, broă lơh mờ rài kis Hồ Chí Minh dê bè jơh nùs jơh tồr, pơgồp bơnah bơ̆t bơtàu càr Kon Tum bơtàu tơngguh mhar mờ kơ̆ kơl jăp jŏ jòng”.