Tus bal broă lơh geh rlau 300 nă đoàn viên ơruh pơnu. Rơnàng kơnòm să 2 càr Kon Tum mờ Lâm Đồng neh bơyai lơh uă broă lơh geh kwơ, bè: pà phan ai kwang bàng, cau ling Pôs đồng ling sền gàr tiah nhàr lơgar Đăk Xú in; pà 20 bơnah priă bơsram, kơldung sền gàr niam rài kis ai kơnòm bơsram mờ hìu bơnhă geh rài kis kal ke; dong kờl priă jền bơt bơtàu broă lơh ơruh pơnu sòl àng gùng tiah nhàr lơgar; jàu pà 1 rơbô nơm bồng bi Dà lơgar ai làng bol in; kham kòp mờ pà sơnơm ờ sa priă ai rlau 300 nă làng bol in; tus bal lòt sền, pơs wàs tiah ơm kis, koh wàs rŭ rơm gùng lòt sền mờ yồng bùng bi Dà lơgar tàm jrong sơn tơ̆p tiah nhàr lơgar 3 gah nhàr lơgar dê.

Broă lơh nhai 3 tiah nhàr lơgar pơgồp bơnah lơh kah wơl bơta gĭt wă, kơnòl bơh đoàn viên ơruh pơnu tiah nhàr lơgar, tiah sar lơgar ngài; bơh hơ̆ tus bal bơtàu tơnguh lơh sa- mpồl bơtiàn, bơt bơtàu ƀòn lơgar pa.