Tơngai lài, 2 càr bal mờ gơp pơgồp bal, tus bal jơh nùs tàm ală broă lơh bơh Cíñ phủ 2 lơgar bơyai lơh; ală broă tàm tơrbŏ bal, kă bro, hòi jà bơcri priă. Kon Tum neh tă priă pà priă dong kờl bơsram, bơto bơtê Đại họk ai 15 nă kơnòm bơsram càr Champasak in; dong kờl hìu bơnhă rƀah càr Champasak wă sò sa tềp bơhiàn yau Bounpimay, càr Champasak lơh gơlik bơta niam dong kờl càr Kon Tum tàm broă lơh lòt jòi, tơrgùm, cèng rê tơp hờ ƀòn tờm ƀồc ntìng cau chơt màng ling dong kờl is mờ cau jak chài lơgar Việt Nam chơt phi să tàm ală dơ̆ tam lơh.

Tơngai tus, 2 càr Kon Tum mờ Champasak pơn jat tai sơlơ tơnguh, lơh gơlik bơta ƀuơn nàng ală sở, gah broă lơh, ală càr, ƀòn dờng 2 lơgar lơh bơta git gơp lơh bơyô lơh broă bal; ring bal sơlơ tơnguh tàm tơrbŏ lòt nhơl đah 2 càr; càr Kon Tum pơn jat tai dong kờl 10 bơnah priă dong kờl bơsram bơto bơtê Đại họk mờ 5 bơnah priă dong kờl bơsram trung kấp lý luận cíñ trị ai càr Champasak in.