VOV4.K’ho- Củ tịc Ủy ƀan Ñân zân càr Kon Tum pa geh Sră pơyua sồ 02 sồr ală anih lơh broă geh gơnoar bơh càr dê sơlơ tơnguh tai broă lơh ătbồ, sền gàr brê tàm ù tiah kơnhoàl Kon Plông. Jơnau đơs bơh Ủy ƀan Ñân zân càr Kon Tum dê pà gŏ, jơnau mus kơl brê, sơgràm ù brê, koh kơl brê tìs mờ jơnau cih bơh kơrnoăt boh lam dê tàm ù tiah kơnhoàl Kon Plông gơbàn ngai sơlơ kal ke.

Tiah kol kơl chi brê tàm bă 11

Tàm ù tiah kơnhoàl dê sùm gơlik geh ală dơ̆ mus kơl brê geh is, sơgràm ù brê, jun pơndiang dơm chi brê tìs mờ kơrnoăt boh lam...mờ pa do ngan rlau jơh là dơ̆ òt kơl 26 tờm chi tàm bă 11, bă brê dềt 486 bơh Ủy ƀan Ñân zân thị trấn Măng Đen ătbồ. Củ tịc Ủy ƀan Ñân zân càr Kon Tum sồr anih lơh broă geh gơnoar mhar pơgồp bal mờ ală anih lơh broă geh gơnoar mờ mpồl lơh broă geh gơrềng lòt sền, lùp khàu, lơh loh ală cau mus kơl dơm chi tìs mờr kơrnoăt boh lam, khà dơm chi mus kơl tìs mờ kơrnoăt boh lam neh jun pơndiang lik bơh tiah mus kơl tàm bă 11, bă brê dềt 486, thị trấn Măng Đen, kơnhoàl Kon Plông. Cồng nha lòt sền, bơsong yal mờ Ủy ƀan Ñân zân càr in mờ ală anih lơh broă geh gơnăp gơnoar in jăt jơnau sồr bơh kơrnoăt boh lam dê.

Cau mblàng Lơ Mu K’Yến